Lýsing
111 góðir dagar
Plátan, sum eingin visti, at øll hava bíðað eftir. Hon bleiv funnin til útgrevsturin av jørðini undir Strúkijarninum á Reyni, nú húsini standa í umvæling, og fornfrøðingar hava varliga pussað støvið av vinylinum, sum tó er ov illa viðtikið at massaprodusera. Tí verður hon einans útgivin digitalt í fyrstu atløgu. Talan er sjálvandi um 111 góðir dagar – the soundtrack! Føroyski kultfilmurin frá 2021 eftir Trygva Danielsen hevði nevniliga monsterfeitan originaltónleik, sum hettarher (Torleik Mortensen og Andreas T. Restorff) skrivaðu og upptóku í Hoydølum. Teir nýtulkaðu føroyskar slagarar og framleiddu nýggj løg – eisini við serkønari hjálp frá Mariu Ljósá og Per I. Højgaard Petersen á einstøkum løgum. Tað er eisini Per I., sum hevur ljóðblandað, meðan Hans Poulsen hevur meistrað løgini.
Sangir:
1. Ber mær eitt blómublað eina
2. Interludið
3. Til Havnar vit fara
4. Fagra blóma
5. Meditatiónin
6. Dóttir mín
7. 15 ár, kom og dansa!
8. Mær leingist
9. Ragnar lykkja
10. Dreymurin
11. Nólsoyartripp
12. 1000 & einasta vaktin
13. Grand Finale
Útgivið:
Talgilt (Spotify, Youtube, Apple Music, etc.).
Lurta her: https://bfan.link/111-godir-dagar