Føroyski listamaðurin Silvurdrongur deilir sína seinnu heildarútgávu nú æt eg eftir ánni. Silvurdrongur, fjøltáttaði føroyski listamaðurin og drívmegin handan ummælarrósta ‘flower punk’ bólkinum AGGRASOPPAR, avdúkar sína aðru heildarútgávu nú æt eg eftir ánni sum kemur 19. juli 2024. Ein hugtakandi útgáva við íblástri frá føroyska landslagnum og tess mytologium. nú æt eg eftir ánni er ein undarlig og hugvekjandi ferð gjøgnum fremmand ljóðlandsløg við óvæntaðum samansetingum av sjangrum og tema, sum alt er sagt á einum av heimsins minstu málum yvir tey trettan løgini. Tónleikaliga er nú æt eg eftir ánni ein kjálka-sleppandi veitsla av teksturdetaljum, fuglasangi, transcendentu instrumentering, brooding rútmum og sera upprunaligari nýtslu av effektum og sampling. Púra fremmand ljóð á løgum sum ‘Spælidrongur’ geva íblástur til nýggjar sjangrudefinitiónir sum ‘Haunted Club’ og vekja miðskógarrave-seansur. ‘Traðardrongur’ er ein hypnotiskur klubb bangari um heksirnar í viðarlundini í Tórshavn, meðan eteriski vokalurin í ‘Sólardrongur’ er sum eitt transcendent magiskt morgunkór av træandum.
Konseptverkið hjá Silvurdrongi inniheldur vreiðina frá ‘Extinction Punk’, millum annað við meira reflekterandi ‘Doomer Pop’ løtum, við tekstum, sum tosa um at drukna í samleika á eini lítlari oyggj mitt í Atlantshavinum, umgyrd av einki og vaksandi sjóvarmála.
Útgávan byrjar við óbjargandi paringsrópinum hjá seinasta døminum av nú útdeyða Kauaʻi fuglinum á ‘Sóljudrongur’, áðrenn tað fer yvir í tað floytu-íblásta temaðinum og morferar seg til vill sonisk djór av ymiskum formum og úttrykkum. Á hesum lagnum verða vit eisini kunnað um skaldsligu og symbolsku gjøgnumgongdina á fløguni: Øll sangheitini vísa til ymisk nøvn á verum, sum búgva við ánna.
Breiddin av vokaltalentinum hjá Silvurdrongi er leverað í fullari ferð tvørtur um LP-plátuna, og flytur seg millum taluorðaskaldskap á ‘Mosadrongur’, bløðandi rapp á ‘Apudrongur’, hypnotiskan sungnan vokal á ‘Miðjørðdrongur’ og øðiligu geylini á ‘Ongladrongur’, alt á tí føroyska móðurmálinum, millum annað við brotum av enskum antin sum sýnisdialogur ella av og á lyriskari kryddan.
Við at ganda fram eina serstaka staðkenslu, vevur Silvurdrongur ævisøguligar smálutir við størri umhvørvisligum temaum. ‘Brúðardrongur’ er ein hiphop-sangur um at vaksa upp á einum heilt serligum stað í Tórshavn, sum eitur Undir Brúnni, har ein hálvbygd brúgv hevur plágað annars deilig náttúruna í økinum í meira enn tvey áratíggju. Hendingarliga sama stað, har fløgan varð tikin upp. Brúgvin, sum nú er liðug (og heimið hjá framleiðaranum Ayphin) fer at verða rivin niður til byggingina av nýggja motorvegnum. Fullur sirkul.
Eins og eitt myrkt ævintýr, sum ferðast eftir áarbakkanum í føroysku viðarlundini, kemur hugtakið eisini við sínum egna andadráttarríka visuella alheimi, sum sameinir myndatøkuna hjá Gwenael A. Helmsdal av listamanninum í einari floksstovu við fossiliseraðum djóralívi, við grafiskari sniðgeving eftir Heidi Andreasen, sum brúkar tekningar hjá stóra føroyska fuglafrøðinginum og listamanninum, Mikkjali á Ryggi sála.
nú æt eg eftir ánni strekkir einkult bæði tað magiska og politiska, fylt við royndarhugskotum og djarvt útførdum visjónum. Við eini andadráttarlistavevnaði av viðmerkingum, heimspeki og profetiskari hugsan, kannar Silvrdrongur spenningarnar millum heimar og sína egnu føroysku uppliving. Ein ríkt fjølbroytt og sannførandi útgáva, sum er neyðug hjá øllum elskarum av sonnum listarligum førleikum at lurta eftir, frá einum av mest fangandi talentunum í Evropa!
Silvurdrongur sigur: “Framleiðari mín, Ayphin og eg vóru rættiliga ambitiøsir við úttrykkinum, sum vit royndu at skapa. Vit leitaðu veruliga eftir onkrum; eitt slag av ljóði og kenslu, sum vit kundu føla út í eterinum, og vit royndu at draga tað inn í hetta økið. Hatta ljóðar kanska eitt sindur innbilskt, men tað er í lagi. Eg haldi, at listin skal sleipa eina hættisliga linju millum tað láturliga og tað hátignarliga. Har hendir tað flotta. Fløgan roynir at fanga tann týðandi zeitgeist av fyribils doyving, men hon vil eisini geva vón, meining, kærleika. Tað er rættiliga metamodernað í tí týdningi; tað dansar við einum kyniskum framtíðarótta og roynir at grøða tað við felagsskaparkenslu.”
Silvurdrongur debuteraði í 2018 við fløguni Silvurpláta, sum kom út saman við einum ljóðsavni Silvurbók og stuttfilmi 111 góðir dagar.Fjøltáttaða verkætlanin savnaði eina rúgvu av virðislønum, eitt nú føroyska tónleikavirðisløn fyri ‘Ársins nýggja navn’, stuttfilmsvirðislønina í Geytanum fyri ‘Besta stuttfilm’, og Ebbu Hentze virðisløn til gávuríkar ungar rithøvundar.Síðani tá hevur Silvurdrongur givið seks stakløg út, harímillum samstarv við Eivør og GFD Collective.Hann er eisini ein av drívkreftunum aftanfyri ‘elektrifiserandi blómu-punk/øksdráps-pop bólkin’ AGGRASOPPAR, sum hevur spælt konsertir um alt Evropa, eitt nú á Fusion Festival, By:Larm, Eurosonic, Reeperbahn, Iceland Airwaves í Strange, Trondheim Calling og The Great Escape har tey vunnu størstu virðislønina á festivalinum The Steve Strange Award, í mai2024.
“Silvurdrongur is a pioneer in a sound that is only just invented. […] So, what is my overall opinion of Silvurdrongur and ‘Shamandrongur’? Complete immersion into his fairy tale, it is mind-boggling but totally something I would recommend for everyone!” – The Other Side Reviews
“In conclusion, anyone who enjoys music that defies expectations and provides a novel auditory experience should definitely give Silvurdrongur a listen. The track Shamandrongur offers a captivating glimpse into the artistic vision of one of the most intriguing talents in the Faroese music scene, with its steady beat, explosive crescendos, and versatile vocals.” – The Musical Road
Síggj *TRANSFORMATIÓN* THE MOVIE (stuttfilmur + útgávukonsert á G! Festivalinum 2024):
Meiri kunning
Vekt
N/A
Color
Black, Orange & Pink Splatter
nú æt eg Spælidrongur / Shamandrongur
1. Sóljudrongur
Orð: Trygvi Danielsen Lag: Trygvi Danielsen, Eyðfinn B. Lamhauge
sóljudrongur síladrongur sildadrongur soppadrongur ein brunafongdur millumfingur flaggar fyri kærum børnum í heilum stongum við nógvum nøvnum og ongum ognum
tað er logn blikastilli pinnastilt pinnabrenni beinagrindin kyndir í brenniovnin og veittrar við drotningahond til fjøldina sum er samlað í rsp keppum zombies tey eta heilarnar úr høvdunum og syngja send mær meira send mær meira send mær
hetta fer út til alt føroyar tær drukna í hvørjum tær lukta av gørnum tær søkka á skák tær standa ikki mát tær eru í skák mát tær detta millum bát ímillum russarar og danskarar og reiðarar og oljuna vís mær sóljuna, drongur sílið, drongur sildina, drongur soppin, drongur
EG VIL HAVA MEIR EG VIL HAVA MEIR INNTIL ALT SØKKUR EG VIL HAVA MEIR INNTIL ALT SØKKUR
18 oyggjar liggja í hørðum streymi og søkka golf hann heldur neyvan til 18 hol afturat tað eru brennihol í merkinum bara molar á tallerkinum tað glitsjar í skapanarverkinum hvør fann ormarnar í speltinum?
mítt samband viknar mínar kyknur flokkast um mín kyknandi flokk her tað lekur millum teori og praksis meðan ísfjøllini smelta í antarktis
nah sovrit sosialistiskt piss vit koyra seinkapitalistiskt apokalyps í óparaðum sokkum og mentalum apukoppum dansa tann síðsta apudansin við skiparanum á brúnni
meðan drongur hentar sóljuna meðan drongur fiskar sílið meðan drongur fangar sildina meðan drongur etur soppin
alt í lagi, síggjast heilsan silkidrongur heilsan aknedrongur heilsan eingladrongur heilsa taxadrongur
2. Spælidrongur
Orð: Trygvi Danielsen Lag: Trygvi Danielsen, Eyðfinn B. Lamhauge
Orð: Trygvi Danielsen Lag: Trygvi Danielsen, Eyðfinn B. Lamhauge
jørðin er eitrað av fleiri milliónum brostnum stjørnum ikki nerta
jørðin er eitrað eftir havnará flóta smáir firvaldar
hoppa um teir so flúgva teir so syngja teir títt navn
jørðin er eitrað
um tú finnur ein so syng um hesa løtuna eg skyldi honum fyri mosan á øllum følnaðu trøunum sum vindurin hevur elskað lat tað koma lat tað fara lat tað flóta lat tað vera
lat tað verða
jørðin syngur jørðin kókar jørðin er eitrað jørðin elskar jørðin flýgur jørðin er eitrað jørðin lekir jørðin er eitrað jørðin lekir
4. Brúðardrongur
Orð: Trygvi Danielsen Lag: Trygvi Danielsen, Eyðfinn B. Lamhauge
shout out til dreingjakórið undir brúnni ein hálv brúgv undir brúnni, drongur
summum reiðrum flýgur mann aldrin úr innan fyri ein siamesiskan múr her stendur ein brúgv undir brúnni, drongur ein hálv brúgv undir brúnni, drongur
her búði lefty, her búði úwli, her búði høminga, her búði geir um eg nevni fleir, so kennir tú eisini teir
her stendur ein brúgv hálvgjørd og sjálvgjørd moldførd dagførd kalibrerað til mín barndóm eitt wasteland fylt við lærdómi uttan filtur til mín manndóm tað er so fucking random øll minnini off the dome
lowkey lo-fi high five weird vibes mítt stað grannalag gamlar gøtur góðar løtur ein brúgv úr ongum inn í einki
eg drekki minnini hon skeinkir hon er bygd á míni fótafet í tíðini áðrenn internet hálv brúgv heilag kúgv hvít lygn eat shit suck a dick bandakríggj sova í telt stjala jolly úr ternubúðini stjala deodorant í mylnuni og seta eld á mínar fretar robin hood robbin’ season to be jolly
oh de lally oh de lally golly sikken en dag
uh hálv brúgv undir brúnni drongur her stendur ein hálv brúgv undir brúnni drongur
her búgva ayphin, her búgva jasmin, her búgva jesus, her búgva buddha og heðin, tú kemur niðan her at rudda
her búgva danny, her búgva róar, her búgva stinki, her búgva róaldur uppi í fjøllinum, man her koma ongar flóðaldur
og bóndin sproytar tøið á silvurbrúdleypsgrannalagið her fólk við plastikposum heinta soppar ikki hundalortar vatnbrunnar og sólareygað vøllurin og spæliplássið hauntology vibes
5. Pínudrongur
Orð: Trygvi Danielsen Lag: Trygvi Danielsen, Eyðfinn B. Lamhauge
TAK MÍNA PÍNU TAK MÍNA LÍÐING TAK MÍNA SYND TAK MÍNA SORG
TAK MÍNA MOLD TAK MÍNAR RØTUR TAK MÍNI SÁÐ TAK MÍNI LÍK
tað spøkir í mínum dreymum TAÐ SPØKIR Í MÍNUM DREYMUM
tað spøkir í mínum dreymum við altarið har eg leyg fyri presti
6. Shamandrongur
Orð: Trygvi Danielsen Lag: Trygvi Danielsen, Eyðfinn B. Lamhauge
tað finnast 1000 ymsir mátar at krossfesta ein mann men bara ein grund til tað at gera tað ein grund til at gera tað
lyft hann upp
tað finnast bara tríggir mátar at brenna eina heks og bara ein grund til at gera tað ein grund til at gera tað
lyft hana upp
tað finnast 100.000 mátar at høgga niður ein skóg men bara ein grund til at gera tað ein grund til at gera tað
lyft tey upp
mín samvitska er ein hvalur sum svølgir meg mín samvitska er ein ormur sum bítur meg mín samvitska er eitt súrepli sum svíkir meg mín samvitska er mín pápi sum ofrar meg mín samvitska er bókin sum skrivar meg
lyft tey upp
tey sum sova men hvørki hvíla ella lekja
lyft tey upp
tey sum detta og aldrin lenda men altíð brotna
lyft tey upp
tey sum geva og mugu stjala ella geva upp
lyft tey upp lyft tey upp lyft tey upp
lyft tey upp
tey sum stríðast tey sum royna at vera sonn
lyft tey upp
tey sum syngja tey sum biðja tey sum lyfta
lyft teg upp
tú sum stríðist tú klárar tað
lyft teg upp
tí tú kanst ikki krógva teg
lyft tey upp lyft teg upp lyft tey upp lyft teg upp
lyft teg upp
tú sum roynir at finna tað
lyft teg upp
tí tú mást ikki missa tað
lyft teg upp
tí tú elskar at gera tað
lyft teg upp
tí tú gert tað av kærleika
lyft tey upp
tí tú gert tað av kærleika
fuck eg angri at eg ikki drap teg tá eg hevði kjansin men um ábel drap káin rann blóðuta áin enn breidri enn gjógvin sum kloyvdi hin skøltin sum rann út á sjógvin har áin hjá káin bleiv grøvin hjá ábel
ein samvitskusandwich við fortíð og angran hvar fórt tú vit fanga hann við blaka hann í fongslið vit døma hann við framtíð sum ikki er komin vit drepa hann við hondini sum ikki hevur hol
enn breidri enn gjógvin er reiðrið hjá spógvinum sum svølgdi hin ormin ið skapti tann stormin sum druknaði jørðina við samvitskufjøruna har tú fangaði krabbar við spannuni hjá abba
krossfest hann brenn hana tey skulu ikki kenna tað líkið sum finna tað í skóginum hon gandaði í gávuni hon handaði drep hana hon andaði hong hann hann saltaði vegin við sandin har aldurnar skola upp sannleikan samvitskan etur meg morgun og kvøld
lyft meg upp lyft meg upp lyft meg upp lyft meg upp lyft meg upp
7. Apudrongur
Orð: Trygvi Danielsen, Eyðfinn B. Lamhauge Lag: Trygvi Danielsen, Eyðfinn B. Lamhauge
nostradamus segði altíð at hetta fór at henda alt sum hevur byrjan hevur eisini ein enda
tú mást seta eld á teg sjálvan við at brenna allar bøkur sum kunnu senda teg til helvitis at reinsa tína sál
eystanfyri mala tíðirnar í ring her vesturi er løtan komin til at pakka síni ting
stilla familjuna í sirkul og syng hosianna syng hosianna til vár guð og kong
eg mangli olju á hesari lampuni harri eg vil sleppa at seta eld á ting
men fucking bensin kostar 20 kr. liturin
eyðfinn?
(Ayphin) eg eri ein nútímans blanding av Dilla og Dylan við idylliskum darrandi dundrandi trummum við orðum sum líkjast teimum hjá dalai llama eg skanni hendingar við litríkum brillum
og í mínum brillum sært tú dummur út um tú letur sum um at har er nakar vegur rundanum so blanda teg uttanum prátið um hvør er bestur tí alt brestur tá eg sigi frá øllum sum sker í millum himmal og jørð
mín toppmadrassa er betri enn tín boksmadrassa miðalgóður til lívið komponseri tó við at vera Føroya besti rappari svangari enn Swangah RSPiparnøtur barnamatur eg eri meir enn DCent noyðist eg at siga nakað um Silvurdrong? mr. næst-best (fokk jú, Eyðfinn) toga fingurin út og sutta tummilin tú fært onki omaná frá mær tú fært bara av at vita
8. Traðardrongur
Orð: Trygvi Danielsen Lag: Trygvi Danielsen, Eyðfinn B. Lamhauge
mungi eftir chips mungi eftir frelsu hungri eftir ljósi gangi eftir myrkum gøtum inn í svartar skógar har ótilvitið svevur ótilvitaminir ótilvitin blinkar
ósjónligt ógjørligt óveruligt ódjórið er ótilfress við tíni fótafet óendaliga ljóðleys lurta lurta lurta lurta
ger hatta tingið betri annars fer tað bara at blíva verri her er tað síðsta træið er tann síðsta vónin er tað síðsta rótin
gólvið er frítt orðið er títt einki er býtt einki er skeivt sig hvat tú vilt eg lurti eg lurti eg lurti eftir gloppinum millum ljóðini inni millum trøini sært tú eyguni lýsa? har liggja blottarir har liggja hassjarir tú hoyrir teir teska
lurta lurta
áh góða áh góða kom og set her hjá mær áh góða áh góða kom nú meðan eingin sær
eitt sunnukvøld í plantasjuni eg gangi yvir í effo at keypa blandabomm chips og dipp eg veit at heksin rennur eftir mær men eg tori ikki at venda mær við eg veit at heksin rennur eftir mær men eg tori ikki at venda mær við
eg veit at heksin kemur
9. Miðjørðdrongur
Orð: Trygvi Danielsen Lag: Trygvi Danielsen, Eyðfinn B. Lamhauge
mín skjaldbøka er tín hústøka graffitimálð við ð
títt ástøði um mánan bleiv skotið niður av sólini og rakti yvirflatuspenningin hjá ísbjørnini í mimir
eg telji hydrogenatomini í vatninum hydrogenatomini í vatninum
eg telji kelidjórini í rúmdini eg keli kelidjórini í rúmdini
(Fríði Djurhuus) ella ránfuglurin ein ábyrgdarleysur stórátari men eisini eingilin sum ímyndar endatíðirnar tann andaliga keldan dálkað av iva og vitloysi tann skínandi silvurkálvurin stórur óskiljandi
11. Devladrongur
Orð: Trygvi Danielsen Lag: Trygvi Danielsen, Eyðfinn B. Lamhauge
ikki missa høvdið, baby tunguna mitt í munninum, baby so fái eg betur bitið hana eg mangli nýggj organir, baby eg mangli ein nýggjan tesla, baby
tað er human traficking proppur í toppinum av hesum kroppinum sum oppenheimer skrottaði í gloppinum millum lokkarnar hjá samson og kopparnar hjá skaldinum sum lokkaði teg við soppunum og valdinum sum hann ongantíð ognaði oggi og kakkilakkinum í oddinum av hasum helvitis pakkinum kemur tú við at koyra líkbilin niðan á brennistøðina?
lík lík lík vit fara at koyra lík lík lík lík vit eru øll so lík
eg havi palindrom-syndrom eg spegli alt sum tú sigur míni orð eru skallin á ísfjallinum av øllum tonkunum í havinum eg vil ikki at tað skal ríma so eg flýggi undan kensluni av spýggju eg klíggi upp í níggju og divideri tað við kríggið eitt rímiliga runt tal
eg fylli 7 og blási eldin av kakuni eg ynski mær ein vin fyri lívið smile and wave boys we’re riding that wave boys stóra alda kom tú skalt fáa bomm eg spæli fjørutrøll í fjøruni eg eri ikki knýttur at jørðini frástøðan er støðug og lødd við undirskiltum avleiðingum av støðuni
sankta frans biður friðarbøn í himmiríki kemur løn hann unnar nonnunum at eta av monnunum korpusið smakkar av kristusi eg endurføði meg í kistuni lat meg ikki doyggja á hospitalinum eg vil drukna í oyðimørkini sum eitt saltkorn í sandinum
lík lík lík vit fara at koyra lík lík lík lík vit eru øll so lík
nokturnalt nostalgia noctalgia eg syrgi náttarhimin sum hvarv í tí skitna ljósinum lucifer heldur faklinum í fjósinum hann hevur fotografiskt minni av fiat bilinum uppkolaður á keiini koppaður av vindinum í seglinum hjá sataniskum kreftum í geglinum
tað er eitt sýriatripp tú ert fanimeg ikki í jordan ver ísrealistiskur float into bahamas sting them in their… pajamas
kvinnur er úr venus aliens frá uranus bara tí tað er ein klissjé merkir ikki tað passar urbanus ná eitur tú slettis ikki so? comment tu t’appele gev mær títt navn so at eg kann skriva tað á pappírið seta eld á tað so at onkur partur av tínum samleika skilir hvat tað merkir at vera øska
lík lík lík lík lík
12. Sólardrongur
Orð: Trygvi Danielsen Lag: Trygvi Danielsen, Eyðfinn B. Lamhauge
Sólin bráðnar ljósið mánar nú
Mánin sólar ljósið bráðnar nú
Núið sólar mánin bráðnar ljós
Sólar núar bráðnið ljósar mán
Ljósið mánar núið sólar bráðn
Bráðnið núar ljósið mánar sól
Mánin ljósar sólin bráðnar nú
Sólin ljósar bráðnið mánar nú
Bráðnið sólar núið mánar ljós
Sólin bráðnar ljósið mánar nú
13. Mánadrongur
Orð: Trygvi Danielsen Lag: Trygvi Danielsen, Karl Andrias Stórá
royni at blíva ein betri maður ella hvat fuck er tað eg sigi eg royni fyrst og fremst at blíva til ein mann til eitt menniskja tað er ikki so lætt í dag eg føli trýstið í dag eg føli pressið í dag
eg føli at saman hava vit bygt hetta í felag hava vit evnað okkar arvasynd vit hava arvað synd vit produsera synd men kanst tú gera eitt sindur við tað kanst tú reisa teg at vitna um hvat er sum ger teg skitnan hvat fyri helviti tú skalt hitta fyri at reinsa teg eg meini ikki pussa gloriuna koyr hana í skrell eg meini hvat tað er sum ger teg menniskja
hvat tað er sum ger teg menniskja er tað tú sum ger meg menniskja? er tað eg sum geri teg menniskja? saman eru vit komin her fyri at doyggja saman eru vit komin her fyri at skeldast fyri at hata fyri at øvunda og misunna saman eru vit komin her fyri at øsa okkum fyri at sløsa alt burt fyri at spilla hesa jørðina sum vit øll hava fingið í føðingardagsgávu ja
hugsa um allar tínar forfedrar eg meini ikki bara ommu og abba og langommu og oldurabba heilt aftur til afrika eg meini tey sum grulvaðu úr havinum so at tú kundi ganga í fjøllunum
hvat høvdu tey sagt um tey sóu teg í dag spákandi eftir gøtuni í deprimeraðum lag við høvdinum undir arminum sinnið eitt annað stað hvat skal eg gera við mítt lív hvussu skal eg hava ráð til at búgva havi eg yvirhøvur hug til at liva? hvat kann eg gera fyri at blíva til eitt menniskja í harmoni við mítt umhvørvi kants kategoriska imperativ eg mangli terapi eg mangli jung eg mangli nietzsche nah eg mangli ikki fleiri deyðar hvítar menn eg mangli at fiksa mínar tenn ringja til mín besta vin drekki eitt sindur vín diskutera alt og einki og alt í senn
tað er tað sum ger meg menniskja tað er tú sum ger meg menniskja tað eri eg sum geri teg menniskja saman eru vit komin her fyri at klemmast saman eru vit komin her fyri at minnast fyri at hjálpa fyri at elska so gott vit kunnu saman eru vit komin her fyri at blóma fyri at trívast og fáa lívið til at nørast har vit eru
saman eru vit komin her fyri at blóma fyri at trívast og fáa lív at nørast har sum vit eru
that’s it
shalala shalala baby i wanna shalala baby everybody shalala baby
Melda teg til okkara tíðindabræv og fá okkara seinastu tíðindi og tilboð frá Tutl.
Privacy Overview
This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.
Strictly Necessary Cookies
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
