EGO – Marius DC

Katalognummar: HJF791a
Útgávuár: 2024
Sangir: 1

Lýsing

EGO

Marius DC letur nýggja staklagið EGO úr hondum. Hetta er fyrsti staklagið av komandi EP’ini LISTAMAÐUR.
EGO vísir okkum 20 ára gamla listamannin, í eini sera ágangandi útgávu. Móðurmálið verður toygt og tamba, og úrslitið er eirindaleyst. Heitið á sanginum gevur eina ábending um ein ávísan tóna í lagnum, men tá ið Marius DC byrjar at rappa, er ongin ivi um, at hetta er ein ungur maður, sum er væl nøgdur við seg sjálvan.
Rútmiska beat’ið, ávirkað av crunk-stíli, styrkir bert tann agressiva og sjálvsikra tónan í EGO, við eini stakato basslinju, kraftmiklum trap-trummum og Lil Jonkendum klappum, sum undirstrika seigliga stevið hjá Mariusi.
Hetta er bert annað staklagið hjá Marius DC í 2024 eftir, langtandi indieballaduna “Leggur tú enn í?”

Á hesum lagnum vendir rapparin aftur til sínar røtur við reypandi rapp tekstum.
Sjálvur sigur, hann, at lagið bert er ein partur av eini størri ferð, ið verður lýst á komandi EP’ini: LISTAMAÐUR

Útgivið:
Talgilt (Spotify, Youtube, Apple Music, etc.).
Lurta her: https://bfan.link/ego-56

EGO

Orð & lag: Marius Dam Christophersen

Hygga hvar eg eri í mun til hvar eg var
Var akkurát í Rolling Stone, hvat við tær
Tað einasta sum er broytt er eg havi vakrari klæðir
Og eitt par av damun, ið hava hug at para sær við mær
Tey stara bara, eingin sigur ein skit
Hoyra sikkurt nokk av mær, tá tey lurta eftir Biit
Beatið tað er tungt, lætt sagt
Aldrin armur tí mítt shit er fucking beinrakt
Eg smekki til, sum um eg royndi at blíva kattakongur
Og vit eru ikki í Kansas longur
Úti gott, men heima best
Ferðist heimin runt, men uttan havnina, er tað meiningsleyst
Einki stress, tilveran er fín
Damur massera meg, meðan eg sippi moserandi vín
Og eti kaviar og jomfrúhummar
Steðgi fyrst, tá mín salda líkist einum kontonummar
Mítt shit er lit, títt er elskuligt
Tú er blástur, um tú heldur at eg angri shit
Skilji væl at tú er stoyttur, eg havi eyka drip
Blank edrúur, men eg peaki á einum ego trip
Ego trip, ego trip
Ego trip, peaki á einum ego trip
Ego trip, ego trip
Blank edrúur, men eg peaki á einum ego trip
So uppi at koyra, at tað kitlar inni í kroppinum
Tey spyrja hvat eg eri á, eg segði “toppinum”
For høgt uppi, har er eingin ið kann nema meg
Tað er ikki eitt alter ego fam, mítt ego altererar meg
Eg eri sjúkur, illa fyri; havi mein
Klumpfótaður, men alt liggur við mítt høgra bein
Kalla meg Heðin, eg eri kongurin av havn
Og tey spyrja hvør eg eri, men tey vita væl mít navn
Tað er MDC, eg geri hits sum MGP
So kendur, at tey gera filmar um meg fam, eg endi á IMDB
Onkuntíð so kennist tað, sum harrin sjálvur sendi meg
Men flowin er so brennandi, eg má vera frá helvitið
Helvitið, eg eri sjúkur, tú heldur teg vera ein shooter
Bara harður á telduni, sum pelsurin er tú mjúkur
Fjepparinir siga tekstinir fanga tey sum ein húkur
Eg bresti harðari enn krút ger, tann besti, síðan eg kom út her tað er eg
Mítt shit er lit, títt er elskuligt
Tú er blástur, um tú heldur at eg angri shit
Skilji væl at tú er stoyttur, eg havi eyka drip
Blank edrúur, men eg peaki á einum ego trip
Ego trip, ego trip
Ego trip, peaki á einum ego trip
Ego trip, ego trip
Blank edrúur, men eg peaki á einum ego trip
Ego trip, ego trip
Ego trip, peaki á einum ego trip
Ego trip, ego trip
Blank edrúur, men eg peaki á einum ego trip

Credits

Composers and Authors

Musicians

Marius Dam Christophersen

(øll ljóðføri)

Production

Marius Dam Christophersen

(framleiðsla & ljóðbland & frumband)

Other products by artist