Egin slóð – Jógvan Andrias

Egin slóð

Words: Jógvan Andrias Joensen
Music: Jógvan Andrias Joensen

1 Sólstrála kveikir tað góða,

– eins og barnið í øllum ger –

vekir hugin at bjóða,

hvørt mansbarn á lívsins ferð,

og letur ta egnu slóð slóða
í tryggleika gleðast við,

at hjartalag nemur tað góða,

og veitir innara frið.

2 Og letur tað egnu leið fara

– sum sólstrálu í hesi verð –
og laða ein livandi varða,

at mynda lívið á ferð,

kveikja vilja og vón og gleði,

vísa íbornum lyndi ans.

Á sjálvbjargniskós á vegi,
her øll hava hvør sín kjans.

3 Og letur tað ongan meiðsla,

ei heldur sjálvan seg.

Lívið ein kærkomin veitsla,

sum myndar íbornan veg.
::Kveikir vilja og vón og gleði
vísir íbornum lyndi ans.

Á sjálvbjargniskós á vegi,
her øll hava hvør sín kjans::

4 Og letur tað virða sín næsta,

– um ódámligur skuggi er –

tí betri er at lyfta enn at lasta
og vísa at nærvera her.

::Kveikir vilja og vón og gleði::

5 Tað góða sum sólstrála veitir,
eins og mansbørn von,

birtir lív í leikir,

lív, sum við sólstrálu kom.

Kveikir vilja og vón og gleði.

Vísir íbornum lyndi ans.

Á sjálvbjargniskós á vegi,
her øll hava hvør sín kjans.