Andlit hins tigandi
1. Lag
Words: Kári Sverrisson
Music: Óli á Grindafløtti
Skalt tú finna húsini
mást tú hyggja væl eftir,
uttanfyri gluggan flóta skýggj.
2. Vónloysi
Words: Janus Djurhuus
Music: Kári Sverrisson
Veit eg vatnið deyðastilt,
mjúkligt bárur dimmar danda,
meðan ljóðleyst leika lot,
loyndir yvir dýpið anda.
Brotnar borgir randa strond,
trænað trø á túgvum tiga,
allir lutir víðahvar,
stumt frá stirdum søgum siga.
Mangar sá eg móðar menn
-lagnan ljótan gav teim lutin-
boygdar her í bangna bøn:
kanska hittu enn teir gudin.
Her býr lívsins samfalsljóð,
mollstemtir her sova sangir,
og tað kenst, sum gloymsku geisp
vónir allar útisteingir.
3. Tú og eg og trøllini
Words: Kári Sverrisson, Justin Philbrow
Music: Kári Sverrisson, Justin Philbrow
Summarnátt
mánin druknar í mjørkanum
og stjørnurnar
blaktra sum dreymir í bálinum
Toftavatn sum ein tildroymd verð
bjørt sum náttin tá dagur er
sum eitt ross meg á baki ber
Skjótt lýsnar nú
skjótt vakna allir steinarnir
og so tuska teir runt
lakka paradís við sólina
Ræðslan klípur teg í armin nú
enn logar bálið, men svevur tú?
hinumegin hegnið byrjar dagurin nú
Men rundan um bálið
sita tú og eg og trøllini
men ongin varnast
at vit sita har enn
nei, ongin kann síggja
at vit sita har enn.
4. Angist einastaðni
Words: Kári Sverrisson
Music: Kári Sverrisson
Morguntám, “so nær!”,
millum andadráttin og teg
Rísandi blá fjøll
millum grúsvegin og teg
Andlit hins tigandi
sum bert litir miðskeiðis í litunum
aha, aha
Roykurin,l indiskt jasmin,
hongur nú eftir yvir øllum trilvanum
Sorgin er tín
Undir hattinum ein syngjandi kona
vassar út undan bodhitrænum
Og har var vegurin aftur,
varð hann førdur upp av vindinum?
aha, aha
…hongur nú eftir yvir rísakrunum
Sólin á vinstru lið
altso suður undan einastaðni
Renn, renn, renn
Ja, so vart tú aftur her.
5. Ræsur á sumri
Words: Kári Sverrisson
Music: Kári Sverrisson
Og tú hevur eisini
hugsað heilt har úti
har smakkurin av kaffi
var tað einasta morgunin sá
uh, renn nú á bønum, uh,
har spákandi eydnan við flættunum
traðkar ræsur
klæddar við nýsprotnum blómum
Summardáin
og tín egni sangur,
sum tú setti í vatn
gloypt fyrr ella seinni
av eina suffinum
myrknandi, myrknandi dagurin
á flogi har tú mundi
og tú grætur
“syng mær veg tín, ljós!”
6. Bautain á Deyðsheyggi
Words: Kári Sverrisson
Music: Kári Sverrisson
Maðurin, sum tey kalla hann,
risti sínar seinastu andadráttir
í sólareygað, og varð standandi
fjaldur í somu sólini
Bautain á Deyðsheyggi
Bautain á Deyðsheyggi
Og ein stari,
bert sæddur av tekjunum,
fleyg góðvarin yvir Lorvíksbygd
og djúpt inni í bygdunum
broyttist tá okkurt knappligani?
Bautain á Deyðsheyggi
Bautain á Deyðsheyggi
Stuttligt at síggja teir aftur,
dagsins fyrstu sólargeislar, men hvørjum skal hetta so steðga
har teir tyrpast saman á gólvteppinum?
Bautain á Deyðsheyggi
Bautain á Deyðsheyggi
Av og á úr krókunum
fremmand tesk, tó áður teskað:
“ongantíð aftur rulla
deyðans huldu kavabóltar!”
Bautain á Deyðsheyggi
Bautain á Deyðsheyggi
Words: Kári Sverrisson
Music: Arni Carlsen
Har, har vóru ongin ber í fjør
eg minnist nú væl runnarnar
og hitt sum fleyg, fleyg, fleyg
Hon sat, likkan sum vildi bara síggjast
Komin beinleiðis úr egginum
og lætti sær so á aftur
Og tú, sum eg sveik,
tú mást koma og vitja meg
onkran dagin…
8. Titania
Music: Kári Sverrisson, Justin Philbrow
9. Torurødd Sfinxsins
Words: Kári Sverrisson
Music: Kári Sverrisson, Justin Philbrow
Einaferð,
borið av sandinum,
gekk hin ferðandi fram á Sfinxsin.
Kroppurin á ljóni
høvdið sum á manni
og so veingirnir
til at flúgva við.
Við torurødd,
enn ekkóar á fløtunum,
talaði djórið og mælti:
“tú sleppur ikki undan mær!”
“Svara mær til lítar,
so satt sum hetta
blánandi flakkandi slør
verður verandi tak títt
Svara mær til lítar
mínar tríggjar spurningar,
kann tá henda
tú sparast mínum hungri”.
“Hvaðani ert tú, ferðandi?
hvagar fert tú, ferðandi?
og hvør er tá leið tín?”
Einaferð,
borið av sandinum,
gekk hin ferðandi
fram á Sfinxsin.
10. Per
Words: Kári Sverrisson
Music: Kári Sverrisson
Per hoyrir síni fótafet
spretta upp úr vegnum her
í gøtunum flákra skuggarnir
av ælabogans tigandi einglum,
Per gav lív.
Og tí, tú morgunin,
ert tú ein bróðir
tá ongin sær?
Per, í tær
birtist nú ein kensla av
at ein sól er ein sól
so leingi myrkrið er
og tað er
Per setir seg á aarbakkan
og hyggur av tilvild uppá teg
reisist, og alt er enn spildurnýtt
í grasinum rennur blóðið hjá tær.
Og tí, tú fjálgandi eldur,
eru tit feðgar
tá ongin sær?
Á veg, við andliti í hondunum
tó, lat teg tá grógva
eins og eikin her
hóast dagurin kortini fer
Per andar so dagsljós sítt í seg
og sær aftur smílið hjá tær
her kemur enn ein skýming
og brádliga er Per tað einasta har.
Og tí, tú kvirra nátt,
ert tú ein móðir
tá ongin sær?
Á veg, meðan enn tað blæsur í nasarnar
Per sært tú aftur,
eins og einglarnar.
So, ver tú bert verðandi har.
11. Tú Ástargudinna
Words: Kári Sverrisson
Music: Kári Sverrisson
Send tínar ørvar
har vindarnir bera
kveik mær ein neista
har frælsið man vera
tú, ver nú hjá mær
Orð míni sum koppurin
sleptur á gólvið í túsund pettum
hómaðu tey teg
men, ver nú hjá mær
At nærkast tær
gevur mær vón um at liva
títt hold er sum stríðið
tú Ástargudinna
tú, ver nú hjá mær
Kom til mín úr frælsinum
eina stjørnuklára vetrarnátt
kenni teg og møði mína
so kom aftur her!
tú, ver nú hjá mær.
12. Rakiya
Words: Kári Sverrisson
Music: Kári Sverrisson
Fyrstu hestarnir ganga í morgun
Fyrsti hanin gól
Kom, út at heilsa degnum
Ein sprelllivandi morgunsól
Rakiya,
var tad tú sum dansaði
júst sum hitt fleyrið hina løtuna?
Rakiya, og tú ert enn her.
Hygg, har er ein maður mitt á sølutorginum
Hyggur meir enn rímiliga leingi
niður í ánna
sum rennur oman móti tubbaksvirkjunum
Rakiya,
so tað var tú sum dansaði
nær sum eitt fleyrið millum húsini?
Rakiya, bjóða mær inn aftur á reppið.
Á veg niðan á opna fløtu
komin niðan á alvøkur fjøll,
á trækrúnum er kavi lagstur
fínur sum mjørki og tungur sum øll fjøll
– tú lítur teg íkring –
eldri enn ljósið,
tú hugsar hart:
“soleiðis vil eg síggja út einaferð!”
Rakiya…
13. Nú sá eg alt
Words: Kári Sverrisson
Music: Kári Sverrisson
Nú sá eg alt
náttina sum kom
sirmið sum eg mest føldi
Vindin,
eg hevði saman við fuglinum
í skýggjaspæli máttarinnar
Summarsdøtur, sóljurnar
eg, bróðir og verndari,
sovnaði í ríkinum hjá startandi bilum.
14. Uttanfyri gluggan
Words: Kári Sverrisson
Music: Kári Sverrisson
Vaknaði nú ein morgunin
og eg sá
eg hevði nokk sovið í fleiri dagar
eg læt eyguni aftur
og eg vildi sleppa við
uttanfyri gluggan
fleygst tú smílandi framvið
Tú vardi meg tá
at alt eg ikki sá
var broytt og skifti lit
um eg hugdi
mín hugur at lívinum
skríggjaði eftir mær
hvarv tá eg keni
eg var jú ongantíð har
Eg var staddur nær lívinum
tá eg sá
mín heimur bar seg undan
um eg skilti
mítt puslispæl fór sundur
punt fyri punt
uttanfyri gluggan
fleygst tú runt og runt og runt.
15. Dagur Silvurdalsins
Words: Kári Sverrisson
Music: Óli á Grindafløtti
Egintligi eksistensurin av tí nú eftirhondini so breitt góðtikna Silvurdalinum, hevur jú, longu síðani uppdagingina
av honum, verið lutur fyri rættiliga stórum og afturvendandi iva og illtrúgv. Av røttum, má sigast, um øll fakta, ella
vantan av somu, skulu takast við í dømingina. Sjálvt heitið “Silvurdalurin” hevur hjá mongum verið orsøk nokk til
eina kanska heldur bráða noktan av, at skýggini nakrantíð skulu hava ferðast uppiyvir einum sovorðnum staði, 0g
at hesin staður nakrantíð átti nakran heimstað ella enntá var ein sovorðin Hins Livandi. At Hin Sorgarbundni var
ungur, tá ið grundsteinurin varð lagdur, ger slíkum noktarum ongan mun. Ja, at hann neyvan var livandi tá,
broytir ikki dómin. Veruligur stórleiki kann ikki farast so skjótt, verður sagt.
Í hvussu so er, so er søgnin tann, at neyvan var dalurin sæddur og sungin um fyrrenn hann fúnaði burtur, eins
og innskrivtirnar í børkin á trøunum á vegnum oman aftur fjallasíðuna. “Silvurdalurin er enn ikki funnin av
sorgini”, sigst vera skrivað einastaðni, men hevur ongantíð verið roynt prógvað. Hóast tær lutfallsliga mongu
pílagrímsferðirnar, sum, skilst, gerast alsamt færri. Meðan veturin enn einaferð var farin at gera vart við seg og tá
beindi fyri møguleikanum at søkja at hesum staði aftur í bræði, soleiðis birtist fyrsta reaktiónin mótvegis dalinum,
hvørs einasti íbúgvi er Flugan. Flugan – dóttir hin flýggiandi (og kanska sjáldsama) Fuglin, tí einaferð vendust
eyguni knappliga móti einum runni, ið skalv á miðjum degi; og tað var tað.
Vissa fæst nokk ongantíð fyri, at søgurnar um Silvurdalin munnu tala satt; at grundsteinurin skal vera lagdur
har, og at sorg skal finna upphav sítt har á leið.
Tá ið sólin aftur stendur har ið hon stóð, tá ið Silvurdalurin varð til, tá man øll noktan ella viðurkenning ivaleyst
longu tykjast absurd.
16. Morð í køkinum
Words: Kári Sverrisson, Justin Philbrow
Music: Kári Sverrisson, Justin Philbrow
Ein mamma kvaldi
dóttur sína í gjár
hon var nakin
og hon setti eld í sítt hár
hon stúrir fyri
degnum í gjár
Pápin sat í stovuni
og spældi mandolin
kaffi á kannuni
og Earl Grey til ein vin
dóttirin var bert
átta ár
Abbin og omman
vóru bædi tørnað inn
men hundurin tey áttu
hann æt als, als ikki Finn
(nei, tað hevði tú kanska roknað við?)hetta var enn eitt
byrjandi vár.
(Frítt eftir málningi hjá dananum Michael Kvium).
