Lýsing
This Christmas is You
Maikin er fødd og uppvaksin í Føroyum. Sum 20 ára gomul flutti hon burtur og hevur livað alt sítt vaksna lív uttanlands. Hon býr nú í Danmark saman við familjuni.
Hon hevur sungið alt sítt lív, men byrjaði ikki at skriva sín egna tónleik fyrr enn maður hennara andaðist í 2020. Sorg yvir einum øðrum persóni rakar ofta so djúpt, at tað kann vera verri enn sjálvur deyðin. Nógvar familjur koma í steðg og duga ikki at síggja, hvussu lívið skal ganga.
Tí sigur Makin, at vit mugu ikki gloyma tey, sum vit sakna, men vera opin um sorgina, sum vit bera saman við hinum avvarðandi. Á This Christmas is You vónar Maikin at kunna spjaða boðskapin, at vit saman við sorgini minnast til at njóta og virðismeta lívið og tey, ið enn eru her.
This Christmas is You varð skrivað eftir ein langan dag á skrivstovuni, beint áðrenn Jól í 2020. Einsemi kom yvir Maikin. Einsemi av ikki at deila jólagleðina við manni sínum, tann einasti persónurin, sum veruliga visti, hvussu teirra jól plagdu at vera.
Maikin avgjørdi, at hesi jólini skuldu vera so góð sum gjørligt fyri hennara syrgjandi familju. Hon vildi fáa sum mest burturúr. Hon var eitt sindur longri á skrivstovuni hendan dagin. Eftir at øll hini vóru farin, úttrykti hon seg á einum pappíri, sum hon so ofta gjørdi, og hetta er tá hon skrivaði This Christmas is You.
Útgivið:
Talgilt (Spotify, Youtube, Apple Music, osfr.)
Lurta her: https://bfan.link/this-christmas-is-you
