Marianna Winter
Marianna byrjaði sína tónleikaligu ferð tíðliga. Hon er fødd undir heitu kalifornisku sólini og uppvoksin í ótamda vakurleikanum í Føroyum. Hetta legði grundarlag undir einum ljóði eins fjølbroyttum og uppvøkstri hennara, sum streyk yvir vindføstu føroysku landsløgini og kreativa surrið í West Hollywood.
Samanrenningin av introspektivum føroyskum panorama og livandi kalifornisku orkuni gjøgnumsyrgir hennara sjangrublandaða tónleik; ein symfoni av alternative-pop, indie rock, R&B, og soul.
Frá klaverundirvísing og talentkappingum í barndóminum til listarligu ávirkanina frá gubbanum, Alex Van Halen, rennur tónleikur og list í æðrum hennara. Eins og tónlistarligu ávirkanir hava verið stórar í familju hennara, var langomma hennara eisini listarlig og framførdi sum sjónleikarinna, bæði í filmi og á Det Kongelige Teater.
Í 2019 útgav hon sítt fyrsta staklag “For Real This Time”, og í 2022 kom hennara Debut-EP, “Sorry, I’m a Libra”, út.
Nýggju stakløg hjá Mariannu ljóðaðu í 2023 á altjóða spælilistum og útvarpsstøðum. Harafturat hevur hon framført á altjóða bransjufestivalum: The Great Escape (UK), G! Festival (FO), UHØRT (DK) og Iceland Airwaves (IS).
Í løtuni myndar Marianna Winter sína debut-heildarútgávu, saman við sangskrivara, framleiðara, tónleikara og langtíðar-samstarvspartnara, Ragnar Finsson.
