Description
About Tíð
The new album by Deiggj is available on both a 12″ vinyl and CD. All LP’s are hand-numbered from 1 to 500, and each record includes a CD at no extra cost, if you choose to purchase the CD+LP option. Deiggj has been working on Tíð for a long time. Besides releasing a few singles the past few years, the last time the band hasn’t released an album since 1985.
Tíð is recorded in Studio Bloch, Bunkarin in Tórshavn (with Benjamin Petersen) and Bakkastudio in Tvøroyri. The album is 9 tracks long. Three songs were released in advance: Hví grætur tú (feat. Guðrun Sólja Jacobsen) which was played a lot on the national radio, Í viðarlundini by Dennis Lave and Kom lat okkum dansa (feat. Jensina Olsen, Guðrun Sólja Jacobsen, Barbara á Tjaldrafløtti and Páll Holm Lave). On most of the songs, the band members of Deiggj sing backing vocals, occasionally getting help from Tróndur Enni and Benjamin Petersen. Most lyrics are written by Fróði Vestergaard, with others being written by: Jógvan Andreas Joensen, Malan Poulsen, Tummas Napoleon Djurhuus and Sívar á Seiðabergi. The band wants to thank Rannvá Holm Mortensen, Kirstin Helgadóttir and Leivur Thomsen for helping out with the visual identity of the group and album.
Deiggj band members:
Fróði T. Vestergaard, Dennis Lave, Páll Holm Lave, Pætur Mohr Dam, Sverri Heinesen & Rani H. Christiansen.
Financial support: Tvøroyrar Kommuna, Tórshavnar Kommuna, Mentanargrunni Landsins & KODA-Gramex Føroyar grunnurin.
Tracklist:
Side A
Sangur til lívið
Kanska
Í Viðarlundini
Elska bara
Vetrarmorgun
Side B
Kom lat okkum dansa
Hví grætur tú
Sálin
Kvirra
Released on the following formats:
Digitally on all major platforms (Spotify, Apple Music, etc.). You can check it out by using this link: https://bfan.link/tid-1
Tíð – Deiggj (2023)
1. Ein sangur til lívið
Words: Jógvan Andreas Joensen
Music: Fróði T. Vestergaard
tú skrivaði sangin, tá lívið var ungt
– tá leikur og hugni var alt –
hann skein sum ein sól á heimligu tún
og lívið var festligt og væl var har spælt.
tú skrivaði sangin, tá tíðin var vill
– tá leikur og hugni var alt –
hann var sum ein glóð, ein kyndil á ferð
og lívið var lívligt og onki var fjalt.
ein sangur um lívið
um hválvið á ferð
ein sangur til lívið
sum tað er her
tú skrivaði sangin, tá tíðin stóð still
– tá leikur og hugni var alt –
sum fuglur hann kom, ið vónríkur sang:
um vón og um frælsi, í kærleika valt.
tú skrivaði sangin, tá lívið var ungt
– tá leikur og hugni var alt –
hann var sum eitt hválv, hann rúmaði øll
og lívið var lívið, og lívið var valt.
ein sangur um lívið
um hválvið á ferð
ein sangur til lívið
sum tað er her
2. Kanska
Words: Fróði T. Vestergaard
Music: Fróði T. Vestergaard
um vinur tín svíkur
og orð missa virði
sum litfagrar bløðrur,
ið brustu, tá okkurt kom fyri
so situr tú og starir
við vónsviknum eygum
spyr so teg sjálvan
var eg ella tey, ið vóru orsøkin
kanska tú segði ov nógv
tá tú segði
eitt orð er eitt lyfti, líkamikið
hvat kemur fyri
men meira tú hugsar
um tað, ið tú segði
so veksur hin spurningurin
ið hin dagurin legði
eg kenni ongan fullkomnan
tíbetur má sigast
men hvar liggur markið
kom svara mær nú messias
kanska tú segði ov nógv
tá tú segði
eg vil mala kornið
um tú vil baka breyðið
kanska tú segði ov nógv
tá tú segði
eitt orð er eitt lyfti, líkamikið
hvat kemur fyri
kanska tú segði ov nógv
tá tú segði
eg vil mala kornið
um tú vil baka breyðið
3. Í viðalundini
Words: Tummas Napoleum Djurhuus
Music: Fróði T. Vestergaard
nú trívur vindur í tríggjakrúnur
so leyvið flagsar sum gráa hárið
á gomlum fólki í nógvum vindi
– nú hallar árið
nú spenna flytfuglar sterkar veingir
og lyfta upp seg frá gráum strondum
og stevna høgt yvir berum teigum
mót heitum londum
nú er so berligt í viðalundini
við heystarlitum ímillum heyga,
har hvítar oknir við ungum flóta
á tjarnareyga
eg sá tær spenna teir skerdu veingir
og flagsa vitleyst ein heystdag kláran
og toyggja hálsar mót flytifuglum
og láta sáran.
eg skilji væl, tá í sálarangist
hann verður spentur hin vongur veiki
– eg goymi sjálvur ein dreym, sum aldrin
varð veruleiki.
nú spenna flytfuglar sterkar veingir
á ferð har himin er altíð háur
– nú kenni eg meg so hjartans eina
sum aldrin áður.
eg skilji væl, tá í sálarangist
hann verður spentur hin vongur veiki
– eg goymi sjálvur ein dreym, sum aldrin
varð veruleiki.
4. Elska bara
Words: Fróði T. Vestergaard
Music: Fróði T. Vestergaard
lær at taka, lær at geva
lær at onnur eisini krevja
tína virðing fyri teirra
kenslum og hugsanum
og royn at elska tey, tú kennir
lær at taka ímóti hondum
sum antin kunnu biðja um
ella geva tær kærleika
men minst til, at tú eigur ongan
sum tú kanst læsa fastan
men virð tey
fyri teirra vallarahuga
nokta ei, tú ert eisini bangin
sjálvt um tú ei kennir tann óttan
sum í øllum dukandi hjørtum
situr og bíðar
tí bjartskygni og daprir tankar
fylgjast hond í hond, har hjarta bankar
hjá menniskjum, sum kunnu
elska og leita
./. so sig bert, at tú elskar meg
uttan eg skal eiga teg
tí ognarrættur
dálkar kærleikskeldur ./.
5. Vetrarmorgun
Words: Sívar á Seiðabergi
Music: Páll Holm Lave og Fróði T. Vestergaard
mjúka vetrarkalda dúnið
málar hvíta mína verð
leggur seg í skitna túnið
fjalir alt, ið óreint er
vetrarlívið er so fagurt
tykist gott og endaleyst
kavin lættir meg um sinnið
tekur meg á flog við sær
fríska kalda vetrarlotið
blæsur burtur sorg og sút
ruddar upp í hvørjum skoti
smitar samvitskuna út
vetrarlívið er so fagurt
tykist gott og endaleyst
kavin lættir meg um sinnið
tekur meg á flog við sær
dúnið broytist skjótt til rúgvu
legst tað brátt um alla jørð
fjalir hvørja grøna túgvu
hvíta verðin tykist ør
vetrarkuldin sálir kvalir
køvir lív og gleðisvón
sendir sál í heljareldin
brennir upp hvørt lívsins trá
vetrarlotið vindur á seg
broytist skjótt til hvassa ódn
skræðir leysan hálar við meg
tveitur meg í deyðans tjørn
6. Kom lat okkum dansa
Words: Jógvan Andreas Joensen, Fróði T. Vestergaard
Music: Fróði T. Vestergaard
um tøgnin fær ræðið
og tyngir tær lívið.
kenn eftir, hvat nívir
og brót upp úr nýggjum.
kom lat okkum dansa.
kom rætt mær tína hond.
kom knýt okkum saman
við fløvandi hondum.
er andlit títt stívnað,
sum frostbitin kavi.
slepp gleðina leysa
kenn hitan á varrum.
kom lat okkum syngja.
kom rætt mær tína hond.
kom knýt okkum saman
við ævigum røddum.
um sárbært títt hjarta
og tregi í barmi.
lat troystandi hugløg,
tá kveikja títt sinn.
kom lat okkum smílast.
kom rætt mær tína hond.
kom knýt okkum saman
við ævigum smílum.
um kroppur tín ilskast
og merktur av stongsli.
finn framaftur friðin,
enn er ei ov seint.
kom lat okkum syngja.
kom rætt mær tína hond.
kom knýt okkum saman
við ævigum røddum.
er lívsgleðin viknað
og kærleikin horvin.
kveik innara neista
og fevn tína tráan.
kom lat okkum dansa.
kom rætt mær tína hond.
kom knýt okkum saman
við fløvandi hondum.
lat vónina ráða
og tøgnini basa
lær teg at sáa
í gleðini heysta
kom lat okkum gleðast.
kom rætt mær tína hond.
kom knýt okkum saman
við ævigum bondum.
7. Hví grætur tú
Words: Fróði T. Vestergaard
Music: Fróði T. Vestergaard
hví grætur tú elskaða klóta
hví er tú so følin og bleik
hví piprar títt sterka hjarta
tín hond er so slavin og heit
hon sigur:
einaferð gav eg tær skógin
eg bað teg um at røkta hann væl
tó bølar tú skógirnar niður
so slúkin og líkasæl
eg gav tær eisini havið
ið breyðføðir tíni børn
hví vanrøktar tú havsins keldur
so tóm standa menniskjans gørn
hví dálkar tú ánna og bøin
ið prýða og geva tær mat
hví er tú altíð so løgin
at tveita burt vísdómsins glas
hví tekur tú alt innan úr mær
og broytir mítt hold til ein køst
vil fávitska tín aldrin støðga
verður tú ongantíð pøst
er hjarta títt stirnað og kølnað
eru eyguni vorðin ov veik
er sál tín bert ein maskina
hvat var tað, ið oyddi og sveik
eg elskaði tykkum og lívið
tit gloymdu at elska við mær
tí gráti eg spyrjandi vinur
so leingi sum tú einki sær
kom kín mær um hárið og ennið
kom lek míni bløðandi sár
sig øllum teimum eg kenni
at jørðin hon følnar hvørt ár
gev børnunum jørðina aftur
kom tváa mín dálkaða kropp
lær tey at elska meg betur
gev teimum megi og mátt
hugsið um dagin ímorgin
hugsið um tveytúsund ár
tá fari eg aftur at liva
av gleði eg felli hvørt tár.
hugsið um dagin ímorgin
hugsið um tveytúsund ár
tá fari eg aftur at liva
av gleði eg felli hvørt tár
8 Sálin
Words: Malan Poulsen
Music: Fróði T. Vestergaard
innistongd, útistongd
særd gjøgnumgatað
men livandi nógv ov livandi
háðað veingjaskotin
við ólekjandi sárum fylt
bardagafús
men so eym so eym
nógv ov hjálparleys
pílar stinga út
onkur kemur ímóti
sviðin og sálartárini
nógv ov einsamøll
stríðist og stríðist
hevur eitt mið
strekkir seg
men er ov stutt
nógv ov stutt og rødd
nógv ov einsamøll
9. Kvirra
Words: Fróði T. Vestergaard
Music: Fróði T. Vestergaard
her er kvirt
og mær leingist eftir tær
eygu blíð
heitar hendur
meg leiddu
um eg snávaði
tú lyfti meg upp
um eg fleyg ov høgt
tú grein
um eg fall í fátt
tú tók meg til tín
segði legg tú einki í
hesi ár
full av kærleika
og tolni
einki var
tryggari
enn tín favnur
tínar heitu hendur
leiða meg enn
eingin tekur tær frá mær
tíni blíðu eygu
fylgja við mær
hjarta slær og tú er nær
gloymt er stríð
eingin pínsla er eftir
kærleikin vann
einki her
kundi
køva hann
tíðin kemur og
dagurin fer
einki er sum tað var
somu stjørnur
sum lýstu tær veg
lýsa nú fyri mær
og tær
