Lýsing
Sólarbros / Syklus
Við dupultstaklagnum Sólarbros / Syklus bjóðar føroyska listakvinnan, sangskrivarin, og framleiðarin FRUM okkum inn í komandi føroysku fløguna, Íða, sum er full í samstarvi við ymisk etablerað og nýggjari føroysk listafólk.
Hesir báðir sangirnir umboða tvítýddu náttúruna í verkætlanini. Sólarbros (saman við gówa) útstrálar hita og ljós, og spreiðir seg sum eitt bjart, víðfevnt ljóðlandslag, sum fangar løtur við týdningi og endurnýggjan. Harafturímóti rørir Syklus (saman við jazzygold) seg í myrkari, hypnotiskum streymi, og hugleiðir um endurtøku, umskapan og endaleysu rørsluna í lívsins rásum.
Saman vísa sangirnir evnini hjá FRUM at vevja tekst og elektroniska framleiðslu til tónleik, fyri fyrstu ferð á føroyskum við hjálp frá sangarunum gówa og jazzygold. Hetta er byrjanin av einum nýggjum kapitli í hennara listarliga virksemi, har ringrásir – kosmiskar og persónligar – eru orsøkin til tema og tekst.
Sólarbros / Syklus bjóðar lurtararnum inn í soniska alheimin hjá Íða, sum kemur út seinni í ár sum serlig vinylútgáva.
Sanglisti:
1. Sólarbros (feat. gówa)
2. Syklus (feat. jazzygold)
Útgivið:
Talgilt (Spotify, Youtube, Apple Music, v.m.)
Lurta her: https://bfan.link/solarbros-syklus
