Tango – maður:glotti (feat. Niels Arge Galán)

Katalognummar: HJF164c
Framleiðsluár: 2025
Sangir: 1

Vørunummar: HJF164c Bólkar: Rokk, Talgilt Tag: Maður:glotti

maður:glotti

Lýsing
Sangtekstur

Lýsing

Tango

maður:glotti og Niels Arge Galán dansa tango

200 sangarin, Niels A. Galán er gestasangari á nýggja staklagnum, Tango hjá maður:glotti. Á Tango syngja Dennis Agerblad og Niels A. Galán um, hvussu tað kann vera trupult at hittast, tá tú og viðkomandi, tú hittur, hava ymsiskar háttir at skilja lívið og tilveruna uppá.

Í sjónbandlagnum hittast 3D animatión og teknifilmur í tríatiárastíli – ein løgin dansur millum tað siðbundna og tað óvanliga.

Lagið er at hoyra á flestu stroymingartænastum og sjónbandalagið sæst á YouTube-rásini hjá maður:glotti: youtube.com/@madurglotti

Teir báðir í maður:glotti, Terji Krossteig og Dennis Agerblad, hava ikki verið virknir síðan 2008 tá teir góvu út fløguna, Land, men í fjør summar hittust teir aftur í Havn og byrjaðu at skriva nýggj løg saman. Teir hava heldur ikki spælt konsert í áravís, men 25. juli spæla teir eina akustiska konsert á Maggies, har teir hava bassleikaran Kristin N. Bech aftrat sær.

Útgivið:
Talgilt (Spotify, Youtube, Apple Music, v.m.)
Lurta her: https://bfan.link/tango-madurglotti

Hygg eftir videolagnum her:

Tango

Orð: Dennis Agerblad, Niels Arge Galán
Lag: Dennis Agerblad

Kann eg koma inn?

Nei, tú sleppur ikki inn.

Eg vil vera við.

Tú kanst ikki gerast limur her.

Hví tað? Eg dugi at spæla fótbólt. Eg dugi at bøta trol og eg dugi at ganga í brattlendi, hann sjálvur. Eg dugi at fiska. Eg dugi at spretta og eg dugi at velta.

Nei, tað er heilt onnur ting tú skalt duga fyri at vera við her.

Tú skalt duga at lurta. Tú skalt duga at tosa. Tú skalt duga at siga hvat tú kennir djúpt innaní.

Tú skalt duga at dansa. Tú skalt duga at liva. Tú skalt duga at vera í tær sjávum og saman við øllum øðrum.

Eg dugi at smíða. At mála eini hús, og eg dugi at bora.

Nei nei nei. Lat hár títt vaksa. Lat teg í litir. Byrja at smíla.

Um tú kanst læra teg alt hatta har, kanst tú koma aftur.