Lýsing
Stjørnuskot
Elektronøvnini BYRTA og SAKARIS útgóvu í februar 2024 kenda 80´ara lagið “Frøknur”. Lagið var sera væl móttikið og nú hava tey aftur verið í upptøkuhølunum, og hesaferð hava tey gjørt eina endurinnspæling av 80´ara perluni “Stjørnuskot”, sum bólkurin Plúmm gav út í 1985. BYRTA og SAKARIS undraðu seg á, at eingin áður hevur gjørt eina endurinnspæling av lagnum, sum kom út fyri júst 40 árum síðani. So tískil var upplagt at gera eina nýggja útgávu, sum nú hevur fingið eitt meira nýmótans ljóð, men svingar enn líka væl. Lagið snýr seg um ein droymara, sum stendur frammanfyri speglinum og droymir um at standa á einum stórum palli. Tað eru Janus Rasmussen og Sakaris Emil Joensen, sum hava framleitt og upptikið lagið, og permuna gjørdi Kjartan Magnussen.
Útgivið:
Talgilt (Spotify, Youtube, Apple Music, v.m.)
Lurta her: https://bfan.link/stjornuskot
