Lýsing
Essential Love
Eftir rættiliga langan steðg eru TeleMama loksins aftur við enn einum staklagi. “Dreingirnir” – nú allir miðskeiðis í tjúgunum – eru allir vaksnir, sum hoyrist í teirra nýggju tilgongd til sangskriving. Essential Love, sum er fyrsta staklagið hjá bólkinum í tvey ár – og tað seinna av teirra komandi fløgu – fer í dýpdina við temanum at flyta seg inn í vaksnamannaárini. Meira nágreiniliga kannar sangurin tað at skula velja eina yrkisleið sum skal mynda restina av lívinum og tann ofta eitrandi innanhýsis bardagan um at skula velja ímillum at gera okkurt, sum tú í roynd og veru brennur fyri, mótvegis at gera okkurt, sum tú veitst fer at gera teg ríkan.
Soniskt er lagið ein funky, uppbeat indie rock sangur við einum eyðkendum fangandi hooki, sum avgjørt fer at klistra seg til heilan hjá tær. Móti endanum á sanginum gerst ljóðið alsamt meira ambient saman við eini dreymakendari saksofon, sum evnaríki Sjúrður Zachariasson (GØ) spælir, áðrenn tað kulminerar í einum garage rock-íblástum niðurbroti við obligatorisku guitarsoloini.
Lagið er annað staklagið av upp og komandi fløguni hjá bólkinum, sum skal koma út á sumri 2026 og verður ikki seinasta staklagið áðrenn fløgan kemur út.
Útgivið:
Talgilt (Spotify, Youtube, Apple Music, osfr.)
Lurta her: https://bfan.link/essential-love
