Lýsing
Kamarið – Tøgn
Vit kenna teir úr ymsum samanhangum – Beinir hevur luft undir veingjunum og ger um seg á danska tónleikapallinum. Bárður Petersen hevur seinastu árini arbeitt aftan fyri kulissurnar í fleiri væleydnaðum verkætlanum; millum annað við Jónasi Gaard, sum er triði limurin í nýggja bólkinum, Tøgn. Jónas Gaard hevur útgivið fleiri føroysk løg, sum hava verið sera væl
móttikin.
Fyrst og fremst eru teir góðir vinmenn og búgva allir í Keypmannahavn. Longsulin heim til Føroyar hevur ført teir saman og givið teimum íblástur til at skriva á móðirmálinum. Teir hava skrivað nógv saman og eru endiliga til reiðar at bróta tøgnina við fyrstu útgávu teirra – Kamarið.
Kamarið er ein folk/pop ballada, ið snýr seg um at hava onkran at líta á, tá ið alt tykist svart. Tøgn hava sjálvir framleitt sangin í MoreMax-studio í Keypmannahavn og Fred Ruddick hevur miksað og masterað. Hetta verður ikki tað síðsta vit hoyra frá Tøgn, tí teir arbeiða støðugt við verkætlanini og hava ætlanir um at skriva og útgeva meira.
Útgivið:
talgilt (Spotify, Youtube, Apple Music, osfr.)
Lurta her: https://bfan.link/kamarid
